Yari

Yari
familia de armas (es)
Llanza

Yari (槍) ye un términu xaponés usáu pa denomar la llanza, o más concretamente, la llanza de pica reuta.^[1] L’arte marcial consistente en remanar el yari llámase Sojutsu. Estes armes deriven d'antiguos modelos chinos de llanza (qiang) que más tarde desendolcáronse en Xapón con carauterístiques propies. Usáronse muncho nos campos de batalla xaponeses dende la dómina de los primeros emperadores, pero sobre too algamaron popularidá nel sieglu XIII.

Hai modelos de yari bien estremaos en llargor: d'ente 1 y 6 metros. Les versiones más llargues llamábense ōmi no yari , mentanto les más curties yeren conocíes como mochi yari o tae yari. Les versiones más llargues yeren les que llevaben les tropes d'infantería de castra non samurái (ashigaru), mientres que los samuráis avezaben llevar un yari más curtiu. Les fueyes variaben asina mesmo tanto na forma (podíen ser delgaes, en cruz, con forma de media lluna, de foz…) como nel llargor: de 1 a 3 shaku ^[2].

1. ↑ Ratti, Oscar y Westbrook, Adele. “Secrets of the Samurai: The Martial Arts of Feudal Japan”. Tuttle Publishing, 199. Páx. 484. Isbn = 978-0804816847
2. ↑ El shaku ye una unidá xaponesa de midida d'orixe chinu que vien equivalir a unos 30,30 cm; ello ye, cuasi un pie